11/12/2026
OnSET Tests in Baku: 19, 21 and 23 October 2026
Cari ilin 19, 21 və 23 oktyabr tarixlərində DAAD-nin təqaüd proqramına müraciət edən və tələb olunan dil sertifikatı olmayan şəxslər üçün onSET imtahanı keçiriləcəkdir.
Qeydiyyat
onSET imtahanında iştirak etmək üçün 13, 14 və 15 oktyabr tarixlərində, saat 18:00-dək garakanidze@daad.de elektron poçt ünvanına e-mail göndərin.
E-mail ingilis və ya alman dilində yazılmalı və aşağıdakı məlumatı əhatə etməlidir:
• onSET imtahanında iştirak etmək istədiyiniz;
• müraciət etdiyiniz DAAD proqramının adı.
İmtahana nə gətirməliyəm?
Bütün iştirakçılar imtahana öz notebooklarını gətirməlidirlər. Notebook:
• Wi-Fi şəbəkəsinə qoşulmaq funksiyasına malik olmalı;
• Google Chrome brauzeri quraşdırılmış olmalıdır;
• Brauzerdə bütün avtomatik tərcümə funksiyaları və süni intellekt (AI) alətləri söndürülməlidir.
onSET harada keçiriləcək?
onSET imtahanı Alman Dili Tədris Mərkəzində keçiriləcəkdir.
Ünvan: Bəşir Səfəroğlu küç. 133, Bakı 1009, Azərbaycan
Testin qiyməti nə qədərdir?
DAAD təqaüdünə müraciət edən şəxslər üçün test ödənişsizdir.
İştirak etmək istəyirəmsə, nə etməliyəm?
1. Tam məlumatlarınızla www.onset.de saytında qeydiyyatdan keçin.
2. 13, 14 və 15 oktyabr tarixlərində, saat 18:00-dək garakanidze@daad.de elektron poçt ünvanına e-mail göndərin. E-mail ingilis və ya alman dilində yazılmalı, onSET imtahanında iştirak etmək istədiyinizi və müraciət etdiyiniz proqramı qeyd etməlisiniz.
3. Göndərdiyiniz e-mailə cavab olaraq TAN (Əməliyyat Nömrəsi) alacaqsınız.
4. www.onset.de saytına daxil olaraq TAN vasitəsilə müvafiq imtahan tarixini və saatını seçin və imtahanı verəcəyiniz dili qeyd edin. Test mərkəzi olaraq „Azerbaijan Technical University“ seçilməlidir. Buna baxmayaraq, imtahan Alman Dili Tədris Mərkəzinin ofisində keçiriləcəkdir.
5. İmtahan günü Alman Dili Tədris Mərkəzinin ofisinə gəlin.
6. İmtahana şəxsiyyəti təsdiq edən sənədi (pasport və ya şəxsiyyət vəsiqəsi) və notebookunuzu gətirməlisiniz.
OnSET saytına giriş məlumatlarınızı (username və password) unutmayın!
onSET ilə bağlı hər hansı sualınız yaranarsa, aşağıdakı elektron poçt ünvanı ilə əlaqə saxlaya bilərsiniz:
garakanidze@daad.de