5-8 სექტემბერს, თბილისში პირველი საერთაშორისო სიმპოზიუმი გაიმართა, რომელიც კოგნიტური დარღვევების პრობლემატიკას მიეძღვნა. ღონისძიების ინიციატორი და ორგანიზატორი იყო DAAD-ის ელჩი, ამჟამად კი დ. ტვილდიანის სამედიცინო უნივერსიტეტის ასოც. პროფ. დოქტ. თამარ მაჭარაძე. სიმპოზიუმი ჩატარდა შოთა რუსთაველის საქართველოს ეროვნული სამეცნიერო ფონდის ფინანსური მხარდაჭერით.
სიმპიზიუმი, პირველად ამიერკავკასიაში ჩატარდა ანესთეზიოლოგიისა და ინტენსიური თერაპიის ევროპის საზოგადოების (ESAIC), ასევე ნევროლოგთა ევროპული აკადემიის (EAN) ეგიდით; ღონისძიება აკრედიტებული იყო ევროპის სამედიცინო სპაციალობების გაერთიანებისა (UEMES) და უწყვეტი სამედიცინო განათლების ევროპის აკრედიტაციის საბჭოს (EACCME) მიერ.
სიმპოზიუმზე მოხსენებები წრადგინეს ექსპერტებმა სიდნეის, ჰარვარდის, კორნელის, ვანდერბილტის, ლივერპულის, ბონისა და მაგდებურგის უნივერსიტეტების, სამედიცინო, ბიოლოგიისა და ფსიქოლოგიის მიმართულების პროფესორებმა.
კონფერენციის მიზანი იყო დარგის უახლესი მიღწევებისა და გამოწვევების, ასევე თანამედროვე კვლევის შედეგების გაზიარება ქართული ბიო-სამედიცინო და ფსიქოლოგთა საზოგადოებისთვის, რამაც თავის მხრივ ხელი უნდა შეუწყოს თანამშრომლობის ჩამოყალიბებას ქართულ და უცხოურ უნივერსიტეტებს შორის.
სიმპოზიუმის მასალები გამოქვეყნდება სამეცნიერო ჟურნალში „Anesthesia & Analgesia“.
